Referendum. Tocco (Campidanu de Mesu): "De s'abolitzioni de is Provìntzias at a lompi su caos"

(IlMinuto) - Casteddu, 14 de su mesi de martzu - "S'abolitzioni de is Provìntzias at fai unu casinu mannu. Ma custa cosa no benit afrontada poita in medas ant abratzau sa tesi de sa raiadura de custus entis trampendi a is tzitadinus, chentza nimancu ai avreguau is datus". Est cantu narat in d-unu comunicau de imprenta Fulvio Tocco, presidenti de sa Provìntzia de su Campidanu de Mesu. "Chini at propostu sa raiadura de is Provìntzias - pretzisat Tocco - est stetiu lébiu meda, malesa e incompeténtzia no pigant in cunsidériu chi s'iat essi ingenerau unu trambullu aici mannu chi podit portai a un'àtera crisi de sa pública aministratzioni". Su Presidenti fueddat puru de un'istúdiu fatu de pagu de sa Bocconi de Milanu. "In su totali de is ispesas 'correnti' - acrarat Tocco - sa de is Provìntzias rapresentat su 4,5 po centu, contra a su 72,7 po centu de is Regionis e su 22,8 po centu de is Comunus".