Petrolchímicu de Pòrtu Turre: tucat su protzessu. Sit in de Irs

(IlMinuto) – Casteddu, 5 de su mesi de matzu - Agoa de s'atrassadura de su 16 de su mesi de paschixèdda, oi a is 9.00 in su Tribunali de Tàtari s'at a oberri sa primu udiéntzia de su protzessu contra a unus cantu de dirigentis de is aziendas de su petrolchímicu de Pòrtu Turre. Parti tzivili su "Comitau Amaparaus su Gòlfu de s'Asinara". S'acusa est de ai ocasionau "puntori" ambientali in localidadi Minciaredda. Ant essi postus in càusa: Gianfranco Righi, rapresentanti legali de sa Syndial; Guido Safran, manager de sa Sasol Itàlia, Diego Carmello rapresentanti legali de sa Ineos Vinyls e Francesco Maria Apeddu, diretori de s'istabilimentu de sa Ineos Vinyls.

S'inchiesta de sa Procura furiat cumentzada in su 2003 a pustis de un'atzioni de unus cantu de ativistas de Indipendèntzia Repùbrica de Sardigna, chi iat portau a s'atentzioni de s'opinioni pública sa situatzioni de destrossa ambientali in sa cali s'agatàt su monticru de Minciaredda, acanta de su petrolchímicu de Pòrtu Turre. Irs at essi presenti oi in bia Roma cun d-unu sit in a foras de su Tribunali de Tàtari.