In Nùgoro is proportzionis de "Arti e Mesura"

(IlMinuto) – Casteddu, 1 de su mesi de martzu - Est cumentzada su 23 de su mesi de fiàrgiu passau "Arti e Mesura", su progetu nou de su MAN de Nùgoro. Cun "Arti e Mesura" su Man bolit sodigai su chistionu suu cun su territóriu e cun sa tzitadi barbarizina. "Arti e Mesura" nascit de un'idea de museu comenti logu de creatzioni e de atopu in muimentu. Cun custu iscopu 5 artistas ant essi cumbidaus a pentzai a un'òpera de fai aposta po sa butega de bestimenta Sotgiu Store Nùgoro. Comenti si ligit in d-una nota , su fueddu mesura, pigau de campu de is maistus de pannu, "ingitat su modus operandi de su progetu, chi cumbidat a dogna artista a mudai su logu pighendi giustapuntu is mesuras".Dogna traballu artísticu at a durai 20 diris e at essi afestau cun d-un'avenimentu, chi at a cumentazi a is 18 in pratza Giuanni acanta de su Sotgiu Store Nùgoro. Su progetu "Arti e Mesura" at a acabai su 4 de su mesi de argiolas.