Nascit in S'Alighera su Comitau No Radar Cabu Cassa

‎(IlMinuto) – Casteddu, 12 de su mesi de martzu - Sa protesta contra a is Radar de sa Guardia de Finanza lompit in S'alighera: a pustis de s'assembrea de scedas de su 3 de su mesi de marztu, est nàsciu su comitau naturali NO Radar Cabu Cassa po frimai su fàbricu de unu de is 4 radar chi iant a depi nasci in sa costera de otzidenti. Si a s'inghitzu is giassus staxaus furiant Argentiera, Ischia Ruja, Cabu Sproni e Cabu Brebei imoi, agoa de is cuntestaduras de is comunidadis e su recursu a su Tar, sa Guardia de Finanza at staxau àterus giassus, intre is calis ddoi est Cabu Cassa in su comunu de s'Alighera. A fundamentu de sa protesta ddoi funt is arriscus po sa saludi e s'ambienti, ma puru, comenti si ligit in d-una nota de su Comitau, sa chistioni de is tzerachias militaris biu ca sa Sardigna "patit su 66% de is tzerachias militaris italianas e custu iat a essi un'àteru bículu de territóriu furau a is sardus po is fainas militaris italianas". Po pigai cuntatu cun su Comitau scriri a s'indiritzu: noradarcapocaccia@gmail.com