Eletzionis Rsu. Cobas Iscola: "Arrasutau bellu meda, puru si sighint a si negai su diritu de assembrea e is permissus sindacalis"

(IlMinuto) – Casteddu, 12 de su mesi de martzu - Arrasutau bellu meda po is Cobas in is eletzionis de is Rsu de s'Iscola de su 5,6 e 7 de su mesi de martzu. Sa lista de su sindacau de basi addopiat i votus in Nùgoro, Aristanis e Tàtari e in sa provìntzia de Casteddu ndi pigat 1.800 e su peschentu de su 36 po centu. Po su prus is Cobas de s'Iscola funt sa lista votada de prus in Casteddu tzitadi in su Litzeu Clàssicu "Dettori", in su Litzeu Issentíficu "Pacinotti", in su Professionali "Pertini", in su Litzeu Artísticu "F.Fois", in su Círculu Didàticu de bia Castiglione, aici comenti in dexinas de àteras iscolas puru. In s'Itcg "Mattei" de Deximu Mannu sa lista de su sindacau de basi est lompia adderetura a su primu postu cun 76 votus e su 68,5%. "In Sardigna - si ligit in d-unu comunicau de imprenta firmau de su sindacalista Nicola Giua - s'arrasutau Cobas a is eletzionis Rsu Iscola est assolutamenti istraordinàriu, mancai a is Cobas no bengat assegurau su diritu a aprontai is assembreas cun professoris e personali ténnicu e aministràtivu e bengat negaus is permissus po sa campagna eletorali".