"Bacu de Susa ocupada de is militaris". Sa solidariedadi de su Casteddu social forum a su pópulu No Tav

(IlMinuto) – Casteddu, 2 de su mesi de martzu - "Contra a s'arrumpellamentu de sa fuliesa lestra de parti de sa genti No Tav, benint impitadas normas a parti, beras régulas de ocupatzioni militari de su Bacu". Cun custus fueddus su Casteddu social forum espressat sa solidariedadi sua a sa lota paxiosa de su pópulu No Tav de su Bacu de Susa e po su prus a Luca Abbà, massarzu abarrau fulminau po "difendi su traballu e sa dignidadi sua de tzitadinu". In d-unu documentu su Csf denuntziat is arriscus po s'ambienti e po is personis e s'isperdítziu mannu de risossas chi est acapiau a custa òpera. "Su costu de sa Tav - scririt su Casteddu social forum - est de 30-40 miliardus de eurus, e iat a essi una sangradura manna po is càscias statalis […].Si fatzat frutai custu dinai in fainas e serbítzius profetosus po is tzitadinus, cumentzendi de sa seguresa de is trasportus e s'isvilupu de is ferruvias po chini viagiat, ferruvias chi oi funt dessintotu disamparadas".