Wlad Elhara de Nazareth-Palestina oberrit sa X editzioni de s'Al-Ard Doc Film Festival

(IlMinuto) – Casteddu, 17 de su mesi de fiàrgiu - Est po su 2 de su mesi de martzu in Casteddu su concertu Hip Hop de su grupu Wlad Elhara de Nazareth-Palestina. Su concertu at a oberri sa X editzioni de s'"Al-Ard Doc Film Festival", manifestada dedicada a su tzínema documentàriu palestinesu e arabu. In Casteddu, de su 7 a su 12 de su mesi de martzu, at essi s'Assótziu "Amicizia Sardegna-Palestina", in is aposentus de su teatru Nanny Loi, a presentai a su públicu unu programma culturali internatzionali. Su festival - si ligit in sa pàgini ufitziali de s'assótziu - "at a biri in cuncursu is documentàrius fatus a úrtimu e chi funt intre is prus importantis de su circùitu internatzionali, films chi fueddant de usàntzias, costumus, traditzionis, istória, política, religioni e sotziedadi de sa Palestina e de su mundu arabu". In programma puru una setzioni foras de cuncursu chi previdit sa proietzioni de cortometràgius e òperas de fiction. Sa proposta culturali at essi cundia de concertus, reading de poesia, dibàtidus e profundamentus.