Tuvixeddu. Todde e aMpI: "Cun Zedda torrat su ciumentu"

(IlMinuto) – Casteddu, 7 de su mesi de fiàrgiu - "Cun sa Giunta Zedda Tuvixeddu aghillit su ciumentu". Custu su títulu de s'artículu, publicau ariseru in sa Nuova Sardegna e scritu de Giorgio Tedde chi denuntziat s'iscunsunàntzia de su síndigu Massimo Zedda apitzus de sa chistioni. De consilleri regionali, amentat Todde, Zedda iat firmau un'apellu po frimai calisisiat fàbricu in s'area de Tuvixeddu-Tuvumannu. De síndigu de Casteddu - acrarat s'iscriidori - aprovat sa torrada a su ciumentu ingíriu a sa necropoli, mancai po sa cosa ddoi siat una senténtzia pretzisa de su Consillu de Istadu. Aici, a cantu narat sa delíbera de s'11 de su mesi de gennàrgiu, "a pagu metrus de is tumbas s'ant a podi fabricai palatzinus e arrugas". Apitzus de su tema fueddat cun d-una nota a Manca pro s’Indipendentzia."In Casteddu - scririt aMpI - su nou chi avantzat no si bit. Sa primu tzitadi de sa Sardigna, difatis, abarrat acapiada a is solitas lobby de su ciumentu, aici sa Giunta Zedda puru, artziada scéti de otu mesis a su guvernu, amostat te no tenni una bidea de tzitadi diversa de cussa proposta de su tzentru dereta e criticada medas bortas, de Massimo Zedda etotu in sa campagna eletorali sua". "'E imoi tocat a totus is Casteddu chi ddoi funt' - amentat sa nota - recitada su slogan suu arrapitiu de continuu de totus is giòvanus sustenidoris progressistas. Ma de cali Casteddu fueddat su giòvanu e innovativu síndigu de sa tzidati sarda prus manna Massimo Zedda?".