"Su Guvernu fatzat de totu po liberai a Rossella". Sa lítera de U.R.N. a su Ministeru de is Esterus

(IlMinuto) – Casteddu, 15 de su mesi de fiàrgiu - A tres mesis e prus de su ratu de su campu disterraus Saharawi in Algeria de sa coperanti sarda Rossella Urru, sa Sardigna sighit a pediri diri po diri su liberamentu de sa fémina e de is duus volonteris ispagnolus. Est de s'11 de su mesi de fiàrgiu sa lítera imbiada de s'Assótziu U.R.N. Sardinnya a su Ministeru de is Esterus.Una punta de billetu de cundenna po s'"interessu mediàticu scassu" asuba de s'acontéssia de sa coperanti de Samugheo, unu discúidu ca po s'U.R.N. no iat a depi "essi una pregiuditziali a manera chi bengat fata dógnia cosa netzessària po su liberamentu de Rossella Urru".