Sanidadi. Meloni (Css): "S'Alivesi de Itiri Cannedu est salvu"

(IlMinuto) – Casteddu, 28 de su mesi de fiàrgiu - Primus arrisurtaus de sa batalla de su pichetu in difesa de s'Alivesi mandau a innantis de is militantis de Sardigna Natzione Indipendentzia e de sa Css. Confederatzioni Sindacali Sarda e oi lompiu a fai 50 diris. Agoa de un'atopu chi s'est tentu in is diris passadas intre una delegatzioni de is ocupantis, e su diretori generali de sa Asl1 de Tàtari, Marcello Giannico, "Benit cunfirmau - scririt su segretàriu de sa Confederatzioni sindacali sarda Giacomo Meloni, - su repartu de 'Lungodegenza' giai ativu de diversus annus e netzessàriu comenti serbítziu po sa comunidadi de Itiri Cannedu e po su territóriu. S'ispidali de Itiri Cannedu at essi dotau de unu portellitu únicu sanitàriu aministrativu. In s'Alivesi at funtzionai unu Tzentru pigada chi at a oberri dógnia diri e un'Ambulatóriu de operadoris sanitàrius chi at a funtzionai custu puru dógnia diri. Benint cunfirmaus is interventus, chi s'agatant giai, de is ispecialistas […]".