Presoni de Uda: de oi 55 operàjus in assembrea fissa

(IlMinuto) – Casteddu, 20 de su mesi de fiàrgiu - Assembrea fissa de custu mangianu po 55 operàjus de sa sotziedadi "Opere Pubbliche" impinniaus in su fàbricu de su presoni de Uda e in abetu de su stipéndiu de 3 mesis e mesu. "Est una situatzioni intolleràbili. Is traballadoris - comentat su segrtàriu, Chicco Cordeddu - funt fadiaus e sa protesta no s'at a frimai fintzas a candu no ant a benni arrespetaus is impinnius pigaus". Prumissa de impennius annoada in s'atóbiu chi s'est tentu in is aposentus de sa Provìntzia de Casteddu intre s'assessori de su Traballu Lorena Cordeddu e is rapresentantis de sa sotziedadi, chi ant assegurau ca intru su 23 de su mesi de fiàrgiu ant a pagai is stipéndius a is traballadoris.De parti sua s'assessori at giai nau ca su 23 de su mesi de fiàrgiu at a atobiai cun is verticis de sa sotziedadi scéti chi funt stétius pagaus is stipéndius. Si is operàjus no ant ai arriciu su dinai sa chistioni at passai a su Ministeru.