Milla giòvanus sardus po "Youth All Together on Board"

(IlMinuto) – Casteddu, 27 de su mesi de fiàrgiu - S'at a tenni cras a cumentzai de is 10.00, in su Tzentru Cungressus de sa Fiera de Casteddu, sa manifestada po sa fini de su Progetu "Youth All Together on Board – sensibilitzaus, informaus e formaus a is Giòvanus Sardus", aprontada de TDM 2000. Ant a pigai parti a sa cosa milla giòvanus chi ant a lompi de totu sa Sardigna. Tema de s'atóbiu is "Políticas Giovanilis". Agoa de is saludus de su Ministru de sa Coperatzioni Internatzionali e de s'Integratzioni Andrea Riccardi, chi at a oberri is traballus, in su dibàtidu ant a fueddai su Diretori Generali de s'agentzia Natzionali po is Giòvanus Paolo di Caro e unus cantu de digentisde is istitutzionis de su territóriu sardu po is Políticas Giovanilis.A sa fini de is traballus ant a cumentzai is butegas asuba de mobilidadi internatzionali, de su traballu, de sa legalidadi e de s'orientamentu universitàriu. Sa diri s'at a serrai cun d-unu cuncertu.