Industria in Sardigna: su 9 de su mesi de martzu isciòpiru generali de Cgil, Cisl e Uil

(IlMinuto) – Casteddu, 2 de su fiàrgiu - Mobilitada populari noa in Sardigna. Cgil, Cisl e Uil annuntziant po su 9 de su mesi de martzu chi benit su cuartu isciòpiru generali contra a sa Giunta Cappellacci. "Agoa de s'úrtima manifestada de s'11 de su mesi totussantus, chi at fatu cabai in pratza in Casteddu sessantamilla personis - si ligit in d-una nota sindacali - nisciuna furriada est lómpia de su guvernu regionali, unu guverni chi sìamostat ciaciarreri a faci de sa crisi chi ferrit a totu sa Sardigna"