Imparu e traballu. Sa proposta de ProgRes: "De Master & Back a Expert & Back"

(IlMinuto) – Casteddu, 1 de su mesi de fiàrgiu - "In Sardigna a oi tenni una laurea fortzis no est prus unu privilégiu de pagu genti, ma est, comentisiollat, sèmpiri po una fita pitica de sa populatzioni e no est nimancu su primu e s'únicu títulu chi su mercau de su traballu pedit. Su Master & Back arriscat de fabricai aici cumpeténtzias scapiadas de sa dimanda bera de traballu e de connoscéntzias". Est cantu denuntziat ProgRes cun d-una nota de imprenta. Po sa fortza política indipendentista su progetu andat acumpangiau de un'àtera proposta, chi andit beni po is cumpeténtzias beras chi s'agatant in Sardigna: Expert & Back."Cun custu caminu - acrarat sa nota - iat a benni premiada s'aspiratzioni a tenni is figuras professionalis primoris chi tenit giai esperiéntzia e chi funt giai produtivas, puru si no tenint una laurea. ProgReS proponit duncas de fai unu percursu de imparu parallelu a su Master & Back, un'annu de istudius a foras de istadu,  unu caminu po is aspirantis professoneris chentza de laurea chi tenint intre 18 e is 60 annus".