Butegas obertas 24 oras a sa diri? Cgil: "Atacu a is traballadoris e a is impresixeddas"

(IlMinuto) – Casteddu, 8 de su mesi de fiàrgiu - Sa Cgil sarda narat ca no a s'obertura de butegas e supermercaus po 24 oras a sa diri de su lúnis a su domínigu. Po Simona Fanzecco de sa Filcams Cgil liberalizatzioni determinada de su Guvernu Monti est scéti un'àteru atacu a is diritus de is traballadoris e a is impresixeddas. Sa sindacalista pedit a sa Regioni de fai calencunacosa."Isperu - narat Fanzecco – ca in Sardigna bengat fata un'opositzioni frima contra a su provedimentu. Una Regione a Statutu Ispeciali iat a depi tenni motivatzionis fortis po acastiai su diritu a programai e detzíderi asuba de is orarius e apitzius de is arregulas de is butegas"