27 diris de giaúngiu po no lassai "morri de fàmini" s'iscola. Sa solidariedadi de is Cobas

(IlMinuto) – Casteddu, 9 de su mesi de fiàrgiu - Sighit su giaúngiu a stafeta po no lassai "morri de fàmini" s'iscola pública. Sa cosa promòvia de su Cordinamentu precàrius de Aristanis est lòmpia a su de 27 diris. Fintzas a imoi ant pigau parti a sa mobilitada 150 personis e prus - oi no papant Sara Calvisi, Maria Antonia Sedda e Danila Simonetti – i est arribada puru sa solidariedadi de is Cobas. "Seus de acórdiu cun is obietivus de lota - si ligit in d-una nota sindacali - e cumbidaus a is collegas e a totus is tzitadinus a si movi […] prusatotu poita de parti de su Guvernu ddoi est pagu de abarrai asselius po is traballadoris e po s'iscola pública statali etotu"