Presonis. Sdr: "In Buoncammino 187 presoneris in prus"

(IlMinuto) – Casteddu, 11 de su mesi de gennàrgiu - Su presoni de Buoncammino in Casteddu de annu in annu sighit a essi prenu meda de presoneris. Funt difatis 187 is ànimas in prus a faci de sa capatzidadi sua ca est de 345 postus a crocai. Ddu denuntziat cun d-una nota Maria Grazia Caligaris, presidenti de s'assótziu "Socialismo Diritti e Riforme" fadendi connosci is datus annoaus a su 31 de su mesi de paschixèdda de su 2011. "Númerus chi cunfirmant - acrarat Caligaris – sa graesa de su chi si bivit in Buoncammino e in àterus seti presonis in Sardigna".