Presonis: órdini de spresonamentu befe po unu giòvanu presoneri. Caligaris: "Aerru foras de contu"

(IlMinuto) – Casteddu, 4 de su mesi de gennàrgiu - Annu nou marigosu meda po unu presoneri in su presoni de Buoncammino, in Casteddu. Su 20 de su mesi de paschixèdda A.L., cundennau a 15 annus in su segundu gradu de giudítziu, iat arriciu s'órdini de spresonamentu po sa scadéntzia de sa custodia cautelari in abetu de sa senténtzia de sa Corti de Cassatzioni. Furiat prontu a passai su primu de s'annu in libertadi, cun is familiaris suus, in sa domu de Alà. Su 28 de su mesi de paschixèdda sa nova pagu bella: s'órdini de spresonamentu furiat un'aerru. A.L., si sa Corti de Cassatzioni no at a torrai a biri su giudítziu de segundu gradu, at a depi abarrai fintzas a su primu de su mesi de arbili de su 2014. Ddu fait sciri Maria Grazia Caligaris, presidenti de s'assótziu "Socialismo Diritti Riforme", espressendi "trumbullu po s'aerru chi iat ai potziu tenni cosseguéntzias grais asuba de is cunditzionis psicu-físicu de su tzitadinu" presoneri in su presoni de Buoncammino.