Presoni de Uda: Assessori Cordeddu: "Sa dita at arriciu su dinai, ma no pagat a is traballadoris"

(IlMinuto) – Casteddu, 25 de su mesi de gennàrgiu - "Is traballus de fàbricu de su presoni de Uda funt stétius finantziaus cun regularidadi, epuru is 40 operàjus chi traballant a s'òpera no pigant su stipèndiu de diversus mesis". Est cantu at denuntziau cun d-una nota s'assessori provintziali de su Traballu, Lorena Cordeddu, ca lúnis at atobiau in Casteddu, Palatzu Régiu, a is traballadoris in isciòpiru e a is rapresentantis de Cgil, Cisl e Uil. Sa Provìntzia de Casteddu - at pretzisau sa rapresentanti de sa Giunta - "at a essi sa boxi de is traballadoris cun su Ministeru e sa Regioni po donai is arrespustas abetadas de is operàjus chi traballant in su presoni de Uda e de is famílias insoru".