Presoni de Uda: 40 operàjus chentza de stipendiu de su mesi de totussantus. Sindacaus: "Isciòpiru fintzas a su pagamentu de su dinai depiu"

(IlMinuto) – Casteddu, 17 de su mesi de gennàrgiu - Is 40 operàjus chi traballant a su fàbricu de su presoni de Uda ant a sighiri a fai isciòpiru fintzas a su mamentu de su pagamentu de totus is stipendius. Ddu acrarant cun d-una nota de imprenta Fenal Uil, Filca Cisl, e Fillea Cgil. A cantu narat una nota de sa Prefetura sa sotziedadi Fainas Públicas iat ai assegurau po oi su pagamentu de is stipendius a cumentzai de is de su mesi de totussantus. Ma is traballadoris imoi no si fidant prus de un'azienda, ca, acrarant is sindacaus, "giai in àterus tempus no at arrespetau is impinnius. Primu de torrai a traballai, is operàjus bolint su pagamentu de totu su dépidu".