"Ita fait sa Regioni po Rossella Urru?", Interrogatzioni Zuncheddu (Indipendentistas) a Cappellacci

(IlMinuto) – Casteddu, 5 de su mesi de gennàrgiu - Ita at fatu sa Regioni Sardigna po amparai a Rossella Urru e po agiudai sa liberatzioni de s'agiudanti sarda e de is duus collegas ispagnolus? Est cantu pedit un'interrogatzioni cun dimanda de arrespusta scrita a su Presidenti Ugo Cappellacci firmada de su consilleri regionali de is Indipendentistas Claudia Zuncheddu. "Prus de duus mesis fait, intre su 22 e su 23 de su mesi de ladàminis - amentat Zuncheddu - Rossella Urru, s'agiudanti sarda de su Cisp, beniat secuestrada in su campu de disterraus, po saharawi, a Tindouf, in Algeria". Is úrtimas novas apitzus de sa cosa,chi no funt stétis nimancu avreguadas funt de sa metadi de su mesi de paschixèdda. "Rossella Urru cun is duus collegas ispagnoulus - scririt su consilleri arremonendi unu serbítziu de France Press – iat a essi in is manus de genti chi parti, oa aici parrit, de unu grupu "scissionista" de Al Qaeda po su Magreb Islamicu".