Informatzionis: a "Sardegna Uno" liadas is lissentziaduras

(IlMinuto) – Casteddu, 26 de su mesi de gennàrgiu - Is lissentziaduras de is cuàturu giornalistas de "Sardegna Uno", fatas connosci is primus de s'annu de s'editori Giorgio Mazzella, funt stétias liadas. Ddu fait sciri cun d-unu comunicau de imprenta s'Assótziu imprenta sarda. Martis passau s'editori e is sindacaus ant difatis firmau un'acórdiu chi frimat is lissentziaduras e fait cumentzai is cuntratus de solidariedadi.Ant essi duncas is traballadoris a pagai su prétziu de sa crisi: "Totus is dipendentis - si ligit in d-una nota sindacali - ant a renuntziai a una parti de su própriu stipèndiu po permiti a s'Azienda de recuperai is risossas netzessàrias" a evitai is lissentziaduras.