Ecunumia. Planetta (PSd’az): “In Sardigna sa pública aministratzioni pagat a is impresas cun ses mesis de tardamentu. Sa Giunta fatzat calencuna cosa”

(IlMinuto) – Casteddu, 4 de su mesi de gennàrgiu - In Sardigna is impresas chi traballant po sa pública aministratzioni funt pagadas, su prus de is bias, cun ses mesis e pagu prus de tardamentu, contra a is 27 diris chi s'imprenant in Europa. Est cantu denuntziat cun d-un'interpellatzioni su consilleri regionali de su PSd’Az Efisio Planetta. Su rapresentanti sardista pedit a sa Giunta regionali de assegurai ca is pagamentus a is impresas chi traballant po su cumpartu públicu no binciant is 60 diris. De sa solutzioni de custa chistioni - annotat Planetta - dipendit "s'aguantu de su sistema económicu regionali". Chini no benit pagau s'agat difatis fatuvatu trisinau in d-un'acontessia innoia - pretzisat Planetta - "bancas, fiscu e previdéntzia acabant po determinai in manera indireta sa bessida de is impresas de su mercau".