“Debressi su registru tumoris”. Petitzioni de su movimentu “Sardegna Virtuosa”

(IlMinuto) – Casteddu, 3 de su mesi de gennàrgiu - Ponni debressi unu Registru regionali de is tumoris po amparai a sa saludi de is tzitadinus sardus. Est cantu pedit a sa Regioni su movimentu culturali "Sardegna Virtuosa", babu puru de una petitzioni de intregai a su presidenti de sa Giunta Ugo Capepellacci. Su documentu denuntziat a sa "situatzioni mala de sa Sardigna acapiada a is tumoris, leucemias, impestaduras ambientalis e basis militaris" e pedit de portai a càstiu beni sa preséntzia de is patologias de su territóriu. Sa petitzioni citat un'interpellatzioni e una proposta de lei presentadas de Adriano Salis (Idv) cun s'obietivu de otèniri in pagu tempus su registru. A duus annu de s'aprou de su Decretu su registru tumoris no est stétiu fatu. Castiedi a su chi iat scritu Salis in s'interpellamentu presentau in su mesi de fiàrgiu de su 2011, is registrus provintzialis de Tàtari e Nùgoro assegurant su cuntrollu de is territórius de is duas provìntzias betzas e "a oi scéti in sa Sardigna de meridioni no ddoi est su registru tumoris".