Averiguatzioni P3-eolicu a giudítziu po Cappellacci

(IlMinuto) – Casteddu, 4 de su mesi de gennàrgiu - Aprofitu de ufítziu in sa nómina de Ignazio Farris a sa presidéntzia de s'Agentzia regionali po s'amparu de s'Ambienti de sa Sardigna. Cun custa acusa su presidenti de sa Regioni, Ugo Cappellacci, est stétiu mandau a  giudítziu po s'averiguatzioni P3-eolicu, chi bit trisinaus e torraus a mandai in giudítziu puru Denis Verdini e Marcello Dell’Utri. "Cunfirmu - at cumentau Cappellacci benendi a sciri de sa cosa - sa fidi trancuilla in sa magistadura e sa tzertesa de amostai totu sa curretesa de su traballu miu". Apitzus de sa chistioni P3-eolicu iat chistionau, casi duus annus fait, Claudia Zuncheddu - insaras rapresentanti de is Rossomori e oi consilleri regionali de is Indipendentistas - pedendi is dimmissionis de Cappelllacci po is "complicidadis chi su Presidenti Cappellacci mandada ainnantis in sa política de licuidatzioni e in s'arregalu de is benis públicus, bit s'eolicu e is energias alternativas, is complicidadis políticas cun cumpartus de sa finatza ciaciarrada e acapiada a is interessus de is mafiosus e de is criminalis sbarcaus in Sardigna".