Alcoa annutziat sa serradura in Portovesme. Pcl: "Ocupai e bogai is dirigentis"

(IlMinuto) – Casteddu, 10 de su mesi de gennàrgiu - Sa fàbbrica Alcoa de Portovesme at a serrai in is ses mesis chi benint. Ddu ant annutziau ariseru is dirigentis de sa multinatzionali de Pittsburgh. Unu determinu chi fait dannus mannus a s'ecunumia de sa Sardigna e po su prus de su Surcis: funt difatis 800 is operàjus de s'allumíniu chi arriscant de perdi su traballu cun sa serradura de s'Alcoa. Apitzus de sa chistioni at fueddau su Pcl chi proponit a is traballadoris de "ocupai sa fàbrica, de nci bogai a is dirigentis de sa multinatzionali Alcoa, de ponni sa produtzioni de s'allumíniu in is manus de is traballadoris […]. Est lompia s'ora de s'opòniri po poderai is giassus produtivus obertus e po furriai custu sistema malu e fallimentari".