110milla personis in pratza in Euskal Herria, aMpI: "Sa boluntadi de su pópulu bascu est crara"

(IlMinuto) – Casteddu, 9 de su mesi de gennàrgiu - Sàbudu a merì 110milla personis ant caminau po is arrugas de Bilbo in Euskal Herria po pediri, intre is àteras cosas, s'annistia generali e apretosa po is presoneris políticus. Intre is dexinas de migliajas de bascus furiant presentis puru numerosas arrapresentantzias de is organizatzionis políticas de is natzionis chentza de istadu. Po sa Sardigna ant manifestau in Euskal Herria grupus a Manca pro s’Indipendentzia e de Sardigna Natzione. "Sa natzioni basca - si ligit in d-una fata connosci de s'arrapresentantzia de aMpI - ariseru at donau una proa de fortza e de su disizu de sighiri sa lota po una paxi de cabali o po sa bitória de su diritu a s'indipendentzia. Sa manifestada manna de ariseru in Euskal Herria at acrarau una borta po sémpiri sa boluntadi de su populu bascu a faci de sa política penitentziària de su guvernu de Madrid, política fabricada asuba de sa fúrria e asuba de su trumentu".