Presonis: po sa Sardigna Proveditori "part time"

(IlMinuto) – Casteddu, 28 de su mesi de paschixèdda - Sa gestioni de is presonis sardus est intregada aunu Proveditori regionali "part time". Est cantu denuntziat cun d-una nota Maria Grazia Caligaris, presidenti de s'Assótziu "Socialismo Diritti e Riforme". "Sa Sardigna at tentu po ses mesis scéti - acrarat sa Caligaris - unu Proveditori regionali a tempus prenu. Gianfranco De Gesu, responsàbile de s'aministratzioni penitentziària de s'Ísula de su 20 de su mesi de làmpadas de su 2011, at difatis pigau de su 2 de su mesi de paschixèdda puru incàrrigu de Proveditori de sa Calabria". Po Sdr "sa Sardigna difatis est abarrada po pagu prus de un'annu chentza de responsàbili regionali po afrontai is diversus apretus de is presonis tenit bisóngiu de unu proveditori scéti po issa".