Manuvra Monti: oi sa Sardìnnia si frimat po tres oras. Pcl "Isciòpiru fintzas a s'arrutroxa de su Governu"

(IlMinuto) – Casteddu, 12 de su mesi de paschixèdda - Sa Sardìnnia in pratza contra a sa manuvra de su Guvernu Monti e contra a Finatziaria de su 2012 de sa Giunta regionali. Oi Cgil, Cisl e Uil ant lamau tres oras de isciòperu generali - de is 8.00 a is 11.00 - cun pichetus in totu s'Ísula e atopus cun is prefetus. A sa protesta aderit su Pcl, chi proponit perou formas de lota prus forti. "No serbint - si ligit in d-una nota de imprenta - iscòpirus formalis. Ddoi est abisóngiu de un'isciòpiru beru e chentza de pàsiu fintzas a ndi liai sa manuvra e fintzas a s'arrutroxa de su Guvernu. Si marciat apitzus de is prefeturas. S'aprontit sa mobilitada in dónnia logu de traballu, in is iscolas, in is Universidadis".