Turismu: in sa Fiera de Casteddu su primu "Workshop a Kmzero"

(IlMinuto) – Casteddu, 17 de su mesi de totussantus - Ponni in cuntatu is massajus e is produsidori de sa cosa de papai de su logu cun is albergus e is arristorantis de su territóriu, po portai in is mesas de is turistas is bonidadis de sa Sardìnnia. Est custu s'obietivu de su primu "Workshop a Kmzero" de sa Provìntzia de Casteddu, in programa po su 30 de su mesi de totussantus in su "foyer" de su "Palacongressi" de sa Fiera de Casteddu. "Is operadoris de s''agroalimentare' – si ligit in su comunicau de sa Provìntzia asuba de "Workshop a KmZero" - ant a tenni duncas sa possibilidadi de impitai su própriu giassu po presentai atastus de is próprius prodotus e sa própriu azienda". Po pigai parti a s'avenimentu chi est a gratis tocat a s'iscriri intru su 22 de su mesi de totussantus. Sa dimanda de cumpilai po pigai parti a “Workshop a KmZero” s'agatat in su giassu de sa Provìntzia de Casteddu.