Sa vida in presoni: 24 oras de viàgiu Sardìnnia-Calabria-Sardìnnia po podi fueddai duas oras cun sa mama malàdia. Sdr: "Aplicai sa territorialidadi de sa pena"

(IlMinuto) – Casteddu, 18 de su mesi de totussantus - Cuàturu aéreus, unu trasferimentu in ambulàntzia e seti oras in aereoportu abetenti s'aéreu po podi torrai in su presoni de Casteddu. Est custa sa crònaca de su viàgiu chi unu presoneri calabresu inserrau in Buoncammino, malàdiu meda at fatu po podi chistionai scéti duas oras cun sa mama malàdia, chi bivit in d-una biddixedda a 80 chilómitrus de Regiu. Ddu denuntziat cun d-una nota Maria Grazia Caligaris, presidenti de s'Assótziu "Socialismo Diritti e Riforme", fonti manna de novas asuba de is cunditzionis de vida in presoni. "Un'isperdítziu de energias foras de contu, físicas, mentalis e de dinai chi - acrarat Caligaris - podiat essi evitau cun d-unu trasferimentu de pagu tempus in su presoni de Regiu Calabria o meda mellus aplichendi sa territorialidadi de sa pena".