Parchegius in Cuartu: una petitzioni online po mudai su “Pranu firmada” de s’aministratzioni Contini

(IlMinuto) – Casteddu, 2 de su mesi de totussantus - Casi 180 firmas in pagus prus de 48 oras. Est custu su bilantzu de sa petitzioni online promòvia de su grupu "Pranu de sa firmada Cuartu S'Aleni". S'arregorta firmas pedit mudíficas mannas a su pranu "So Stare a Quartu" aprovau su 25 de su mesi de gennàrgiu de su 2011 de su Consillu comunali e at essi presentada a su síndigu Mauro Contini in d-un'atóbiu cun comitaus e assótzius previdiu po cras. Su pranu - si ligit in sa petzioni - trasformat su tzentru de Cuartu "de logu de totus, in logu po is prus arricus". Intre is àteras cosas is firmadoris fueddant puru contra a s'ispesa manna de 40 eurus a s'annu - costu de su billetu - po is tzitadinus chi bivint in is areas interessadas de su pranu e no tenint parchegiu privau. "Is billetus po is residentis chi no tenint garaxi - si ligit in sa petitzioni - passint de is 40 eurus de oi a 5 eurus a s'annu, aici comenti giai fatu in àterus comunus".