Parchegius in Cuartu: bullada sa proposta de su Pd po ndi liai su Pranu Frimada

(IlMinuto) – Casteddu, 9 de su mesi de totussantus - Su Consillu comunali de Cuartu Sant'Aleni promovit su Pranu frimada. In sa setziada de ariseru s'assembrea at difatis bullau cun 16 votus contra, duus astènius e 9 in favoràbilis sa proposta de su Pd presentada de s'ex síndigu Luigi Ruggeri po pediri de ndi liai su pranu parchegius. Unu pranu frimada chi s'ex primu tzitadinu de Cuartu at definiu "inútili" e noxili po is buxacas de is famílias, critichendu puru calencuna cosa de s'impresa bincidora de sa gara, s'Aipa de Milanu. "Su presidenti de Aipa - Santucci est de area ex 'Forza Italia' i est in sotziedadi a su 50 po centu cun su fillu de s'ex ministru Scajola. Ma no est acabada innoi - at aciuntu Ruggeri - in àteras tzitadis s'Aipa donat a is comunus su 50 po centu de is 'royalty'. Su cuntratu po sa gestioni de su pranu tzitadinu lassat inbecis in is càscias de Curtu scéti su 26,5 po centu".