Galsi: una petitzioni online po nai ca no a su metanodotu “àtera tzerachia”

(IlMinuto) – Casteddu, 11 de su mesi de totussantus - "Amparaus s'Ísula, nara tui puru ca nou a su metanodotu!". Cun custus fueddus su grupu Facebook "Totus is sardus contra a su metanodotu Galsi" cumbidat a firmai una petitzioni online po nai ca no a su fàbricu de su tubu de aciarxu. A pagu oras de sa publicatzioni funt stétias arregortas pagu prus de 150 firmas. "Si funt ponendi un'àtera tzerachia! Bolint fabricai - pretzisat sa petzioni - unu metanodotu po portai su metanu de s'Algeria a s'Europa passendi in su territóriu e nosu comenti sèmpiri no nd'eus a tenni nudda in càmbiu! S'amada Sardìnnia nostra at essi iscorriai in duus de su metanodotu, unu tubu longu 272 km chi at a passai in is padentis, bíngias, in areas archeológicas chi chi ant a depi essi amparadas, su mari nostru!"