Galsi. Pcl: "Truncaus sa conca a su caboru, scancellaus s'acórdiu de su 25 de su mesi de fiàrgiu de su 2003"

(IlMinuto) – Casteddu, 15 de su mesi de totussantus - "No est difítzili truncai sa conca a su caboru de aciarxu". Cun custus fueddus su Pcl narat ca no a su Galsi, su metanodotu Algeria-Sardìnnia-Itàlia, torrau a batiai caboru de is fortzas chi gherrant contra a su fàbricu de su tubu de aciarxu. Po su Pcl tocat aboliri s'acórdiu de nàscida de su cunsórtziu Galsi de su 25 de su mesi de fiàrgiu de su 2003, firmau de Mauro Pili, in su mamentu presidenti de sa Regioni Sardìnnia, e de "un'arrapresentanti de su guvernu sambenàriu algerino". "Sa lota contra su progetu Galsi - pretzisat Pcl - si depit allargai a totus is progetus capitalisticus in su cumpartu energeticu impostus a is comunus po 'congruiri' sa chistioni de sa miséria de is càscias comunalis, miséria filla de is irminorigamentus foras de contu a sa s'ispesa pública (Balit po totus s'eolicu in is campuras de Chilivani)".