Avenimentus: in Guspini "Su traballu fairi acciuntai: Carbonia 1948"

(IlMinuto) – Casteddu, 28 de su mesi de totussantus - "Su traballu fairi acciuntai: Carbonia 1948" est nai "Su Traballu fai movi". Est custu su títulu s'ispetàculu chi s'at a tenni domínigu chi benit, 4 de su mesi de paschixèdda, in Guspini. S'atopu est a is 18.00, in su Cine Teatru Murgia. "Su traballu fairi acciuntai: Carbonia 1948" bolit contai sa furriada de is traballadoris contra a su scontróriu e a is intzídias de sa diretzioni de sa Carbosarda. Su 7 de su mesi de ledàminis de su 1948 fut difatis lamau s'isciòpiru "biancu" de is 72 diris: una comunidadi intrea, apenas bessia de sa gherra, s'inserrat ingíriu a is minadoris in isciòpiru chi d'fendiant su traballu insoru e sa própriu identidadi. Cun "Su traballu fairi acciuntai: Carbonia 1948" is atoris Arianna Basciu, Deborak Scerbo Perrucci, Francesco Aresti, Laura Alciator, Lucia Longu, Luciano Perinu, Luciano Sulas, Mariella Mannai, Piero Deidda, Rita Martinelli e Rosanna Sulas, ant a torrai a fai bivi a su públicu mamentus de lota de amentai sèmpiri.