Ambienti: in Casteddu assembrea pública contra a su Gasdotu Algeris-Sardìnnia-Itàlia

(IlMinuto) – Casteddu, 5 de su mesi de ledàminis - "Un'àtera tzerachia cumandada a sa Sardìnnia". Cun custus fueddus su Comitau "ProSardegnaNoGasdotto" fueddat de su Galsi: su gasdotu intre s'Algeria e s'Italia progetau po atravessai a sa Sardìnnia po 272 chilómitrus, de Portu "Botte" fintzas a Terranòa. De su gasdotu s'at a chistionai cenàbara 7 de su mesi de ledàminis in Casteddu (10.00, Hotel Arreina Margaida) in d-un'atopu públicu aprontau de su Comitau cun s'obietivu de fai connosci is cosas prus crítigas de su progetu, amostai s'avansada 143 asuba de su Galsi presentada in Consillu regionali (Zuncheddu e àterus) e arrespundi a is preguntas de sa genti. Atressu de filmaus at essi fatu biri ta at fai su fàbricu de su gasdot a s'ambienti.