Vela: su 10 de su mesi de cabudanni atopu cun S'Alighera-Bosa-S'Alighera

(IlMinuto) – Casteddu, 2 de su mesi cabudanni – S'Alighera-Bosa-S'Alighera. At essi custu su tretu de sa frimada de VelAlguer, su campionau aligheresu de Vela cun pagu prus de 90 barcas a vela iscritas. S'atopu po is participantis est po sàbudu 10 de su mesi de cabudanni a is 10.00 in sa domu aligheresa de sa Lega Navali. "Sa regata - si ligit in d-una nota - est sa clàssica costera in duas diris; su sàbudu tucada asuta de is bastionis de sa tzitadi de S'Alighera cun arribu in Bosa Marina po sa festa de Nostra Sennora de Sos Regnos Altos. Su domínigu s'at a tucai de su tretu de mari a faci de sa turri aragonesa de s'ísula arrubia po torrai in S'Alighera".