Tzínema: Casteddu una de is 200 tzitadis de su MANHATTAN SHORT FILM FESTIVAL

(IlMinuto) – Casteddu, 26 de su mesi de cabudanni - Mérculis 28 de su mesi de cabudanni e gióbia 29 de su mesi de cabudanni - in is aposentus de sa "Cineteca Sarda", in s'arburada Trieste 126 - a cumentzai - de is 20.30 ddoi at essi sa finali de su MANHATTAN SHORT FILM FESTIVAL. Su Festival de sa tzitadi de New York, lompiu a sa XIII editzioni, proponit dónnia annu unu sceberu de cortometragius fatus de registas giòvanus chi benint de diversus logus de su mundu. Crai de su MANHATTAN SHORT FILM FESTIVAL est proietzioni in su mantessi tempus in 200 tzitadis de su mundu de is 10 "film crutzus" arribaus in finali, est a nai is chi sa diretzioni artística newyorkesa at giudicau prus orizinalis e ginialis fatus de is levas noas de is "registas". Is aspetadoris chi ant pagau su billetu ant a tenni su diritu de votai su film chi po issus est su prus bellu. De Casteddu is votus ant essi mandaus a New York, aundi su 2 de su mesi de ledàmini at essi fatu connosci su film bincidori.