Trenus. Repubricanos: “Sighint is istrobus po is biaxadoris. Crupa de Trenitalia, Regioni e Provìntzia

(IlMinuto) – Casteddu, 1 de su mesi de cabudanni - Istrobus nous firmaus Trenitalia po sa provìntzia de Aristanis. Martis passau, 30 de su mesi de austu, sa billeteria de s'istatzioni de Aristanis est stetia serrada "aici comenti ddis est acucau", donendi istrobus mannus a chini viagiat in trenu, po su prus a is traballadoris chi andant e torrant dónnia diri. Est cantu denuntziant cun d-una de imprenta is Repubricanos de ProgRes. "Sa crupa de custus istrobus - acrarant is indipendentistas de ProgRes – no est scéti de Trenitalia ma puru de sa Giunta regionali e de sa Giunta provìntziali, biu ca lassant passai comenti nudda is chistionis printzipalis intre custas ddoi est sa de su trasportu púbblicu. Difatis, iat a bastai otèniri de Trenitalia un'acórdiu tipu su chi ant otentu in Puglia, aundi, si podit artziai in is trenus chi is billeterias funt serradas, chentza de billetu e chentza de pagai dinai in prus". "Un'acórdiu de custu tipu - precisat sa nota - ias essi giustu a ddu fai puru in Sardìnnia, innui is istatzioni cun is billeterias lassadas serradas funt diversas (po su prus in provìntzia de Aristanis)"