Indipendentismu:nascit Mlns. Pes: "No est unu partidu nou, ma unu sogetu de diritu internatzionali"

(IlMinuto) – Casteddu, 21 de su mesi de cabudanni - Creai is cunditzionis "giuridicas e materialis" po fai in modu ca su pópulu sardu potzat pratigai su diritu de soverania prevìdiu de is normas internatzionalis. Nascit cun custu obietivu su "Movimentu de liberatzioni natziunali sardu". No est unu partidu o unu movimentu culturali, ma unu "sogetu de diritu internatzionali" nàsciu su 31 de su mesi de austu de "unu grupu de patriotus sardus". "Su Mlns - pretzisat su presidenti sergio Pes in d-una nota publicada in Facebook – traballat contra a s'ordinamentu giurídicu in vigori poita sa Sardìnnia est ocupada de unu stadu stràngiu, cussu italianu, e custu est illegitimu e illegali".