Turismu: arribant 172 giòvanus po connosci sa cultura sarda impari a Tdm 2000

(IlMinuto) – Casteddu, 2 de su mesi austu - 172 giòvanus de 32 logus difarentis de su mundu. Funt custus is númerus de sa XIV editzioni de sa "International Summer Week". Su progetu - chi at essi presentau gióbia 4 de su mesi de austu in d-una cuferéntzia de imprenta in s'àula consiliari de su Palatzu cívicu de bia Roma in Casteddu - tenit s'intentzioni de promovi in totu su mundu sa cultura sarda. De su 3 a su 10 de su mesi de austu is piciocus ant essi trisinaus in d-unu programa de fainas cun - si ligit in d-una nota fatta connosci de s'assótziu aprontadori Tdm 2000 – "scampirradas in is logus prus importantis de s'ísula, atastus de sa coxina sarda, atopus cun is istitutzionis de su logu e spàssiu meda". "S'International Summer Week – precisat su comunicau de imprenta - est, biu su númeru de is participantis, su programa prus importanti de acasàgiu turisticu po is giòvunus de su Mediterràneu".