Presonis in Sardìnnia, Sdr: "250 méigus, ténnicus e infermieris chena de stipéndiu de tres mesis"

(IlMinuto) – Casteddu, 4 de su mesi de austu - "Su personali méigu, ténnicu e is infermieris chi traballant cun cuntratu in is presonis de sa Sardìnnia no bint unu soddu de tres mesis". Ddu denuntziat Maria Grazia Caligaris, presidenti de s'assótziu "Socialismo Diritti Riforme". "Funt pagu prus de 250 is operadoris e medas - precisat sa rapresentanti sotzialista - tenint una situatzioni finatziaria in família unu pagu grai". "Est un'acuntéssia foras de contu - precisat Caligaris - poita sa Regioni de tempus meda at distinau su dinai po sa sanidadi de is presonis. Immoi depit intervèniri su Ministeru de sa Giustítzia assegurendi su pamentu de is stipéndius arretraus".