Presonis. Caligaris (Sdr): "Su Centru de anàlisi de Buoncammino est sèmpiri in apretu"

(IlMinuto) – Casteddu, 1 de su mesi de austu - "Su Cetru de anàlisi e de cura de Buoncammino est subracàrrigu de malàdius e s'agat fatuvatu in d-unu stadu de apretu". Est cantu denuntziat cun d-una nota Maria Grazia Caligaris, presidenti de s'Assótziu "Socialismo Diritti e Riforme". Su Cdt de su presoni de Casteddu - acrarat Caligaris - acasigiat presoneris cun formas grais de tumori, personis chi funt curendi cun psichiatras, presoneris chi tenint prus de 75 annus e funt malàdius a su coru e a is prumonis. "Sa saludi de is presoneris - narat - no sanat sighendi a preni de genti un'istrutura de importu mannu po sa 'fisioterapia' e /o po su cuntrollu de is cunditzionis sanitariàris chi no funt grais meda, ma no andat po nudda beni po acasigiai a is malàdius grais".
In s'istrutura - ddoi capint fintzas a 30 malàdius - funt arricoveradas pagu prus de 36 personis e is prus de is bias s'arribat a tenni 40 malàdius".