Presonis. Caligaris (Sdr): "In Buoncammino una fémina príngia de duus gemellus"

(IlMinuto) – Casteddu, 29 de su mesi de austu - "Una giòvunedda slava, a su terzu mesi de angraidéntzia, est inserrada in su presoni casteddaiu de Buoncammino. Custa picioca est príngia de duus gemellus i est giai mama de cuàturu pipius abarraus in su campus de zirellu in Latina, innui issa puru tenit sa residéntzia". Est cantu denuntziat cun d-una nota de imprenta Maria Grazia Caligaris, presidenti de s'Assótziu Socialismo Diritti e Riforme. "Is cunditzionis suas - acrarat Caligaris - funt incompatìbilis cun s'impresonamentu prusatotu in dun-istitutu chi tenit prus presoneris de cussus chi ddoi iant a capi, in custas diris funt 530 is presoneris, intre custus ddoi funt 26 féminas, no podit garentiri is cunditzionis igiénicas e sa dieta giusta po su períodu de abetu".