Ping pong: gara intre Sardìnnia, Slovachia e Itàlia in sa segunda Copa Murèra

(IlMinuto) – Casteddu, 25 de su mesi de austu - Sardìnnia, Slovachia e Itàlia. Ant essi custas is scuadras chi s'ant a cunfrontai in sa segunda Copa internatzionali Murèra under 18 de ping pong, in programa de su 4 a su 6 de su mesi de cabudanni in sa bidda de su Sarrabus. In sa scuadra ddoi ant essi Alessio Meloni (Marcozzi Casteddu), Alberto Ticca (Libertas Tàtari) e Alberto Mattana ("Muraverese"): atletas sceberaus de sa Comissioni ténnica.Su team at essi ghiau de su ténnicu Stefano Curcio. Sa Slovachia at essi invecis rapresantada de su Ntk Hrastnik.