Manuvra “contra a sa crisi”. Meloni (Css): “In pratza po difendi a is 117 biddas de sa raiadura”

(IlMinuto) – Casteddu, 23 de su mesi de austu - "Sa Regioni Sardìnnia a Statutu ispeciali tenit totus is pòdiris […] po s'opòniri a sa raiadura de is biddas nostras chi tenit unu númeru de abitantis asuta de is milla dimandaus, aici comenti previdit sa manuvra Finantziaria chi s'agat immoi in su Senau". Est cantu narat cun d-una nota Giacomo Meloni, segretàriu generali de sa Css. "In Sardìnnia - precisat Meloni - funt 117 is biddas a arriscu de morti po lei. Iat essi unu delitu contra a sa mantessi identidadi de nosu Sardus bociri is comunidadis nostras. Custu no bolit nai ca is biddixeddas no si depant consortziai po is serbítzius generalis. Ma custu ddu faint giai […]. Non bastat a s'arrennegai. Tocat a cabai in pratza e gherrai".