Trasportus. Comandini: "Lassaus aciuvai sa Nomentana"

(IlMinuto) – Casteddu, 18 de su mes'e argiolas - "Is tardamentus afatantis de sa recaia e 'giovunedda' Nomentana s'imponint de denuntziai torra s'acontéssia mala meda de is trasportus maritimus de sa Sardìnnia, chi sighit a umiliai a sa libertadi de si movi de is sardus e de is tzitadinus totus". Aici Piero Comandini, assessori provintziali a su Turismu e a is Fainas produtivas de sa Provintzia de Casteddu, fueddat asuba de sa chistioni de sa "Tirrenia". "Forsis - aciungit Comandini - sa solutzioni mellus est cussa de ndi liai su "'tapu' a sa Nomentana e de dda fai aciuvai, atesu de is costeras sardas".