“Tocat a nai basta a is scicutas i a is isfratus”. Cras torrat in Casteddu su movimentu Contr’a-Equitalia

(IlMinuto) – Casteddu, 5 de su mes'e argiolas - "Totus impari po fai diventai is fueddus fatus!". Cun custu proponimentu su Movimentu "Sardi Liberi" aprontat po cras in Casteddu una diri de protesta generali. Comenti in su mes'e maju passau ant essi de seguru medas is butegheris, is imprenditoreddus, is partidas iva chi ant a passai in su centru de Casteddu pedendi - primu de totu - "su blocu de is cartellas de Equitalia, su blocu de is scicutas e de is isfratus, po tres annus". Su corteu de protesta at a tucai a is 9.00 de su parchegiu de sa Fiera campionaria. Tra is dimandas de Msl ddoi est puru cussa chi pedit "de sblocai debressi is apaltus púbblicus e chi pedit puru sa revisioni de sa normativa asuba de su Durc". A sa protesta at a participai puru Sardigna Natzione Indipendentzia. "Sni - si ligit in d-una nota - at essi a su costau [...] de totus cussus chi bolint fai sciri a is 'onorevoleddos' chi funt in is palatzus de su cumandu po rapresentai is pontetaus políticus [...] e no a sa genti sarda chi ddus at votaus".