Radar “contr’a is furesteris”, sa Guardia de finanza perdit is finantziamentus. Cumitaus: “Arrasurtau de sa mobilitada de sa genti”

(IlMinuto) – Casteddu, 4 de su mes' argiolas - "Sa Guardia de Finanza at pérdiu is finatziamentus po su fàbbricu de sa retza de radar in sa costera otzidentali de sa Sardigna". Est cantu fait sciri, cun satisfatzioni, unu comunicau de imprenta de is Cumitaus No Radar de s'Ísula. Po is rapresentantis de is Cumitaus popularis No Radar sa pérdida de su finantziamentu est "un'importanti arrasurtau otentu de sa mobilitada de is citadinus atopaus in protetzioni de su territóriu contr'a is radar". Su Cumitau in dónnia modu pentzat ca si depat sighiri a "acastiai" su logu. "Sa Gdf - si ligit in su comunicau - at fattu sciri ca no tenit nisciuna intentzioni de renuntziai a su progetu i at a  pediri de podi pigai finantziamentus nous". S'apuntamentu chi benit est in programma po mérculis 6 de su mes'e argiolas cun d-unu sit in a fac'e su tar de sa Sardigna, po sa discussura de sa dimanda de "blocu" presentada de su Comunu de Tresnuraghes.